1. Nasr Abdelhamid قال:
   مارس 6th, 2009 at 6 مارس 2009 8:44 م

   كلام فارغ _على الميزان _ وعلى كل لسان
   يا مسطب حبك ف قلبي ومكنسل الاهات
   بعدك خلاني اهنج واحرق كل الرامات
   كارت عيني ولع وكمان الساوندات
   من كتر ما اتحركت انصبت بالبادات
   فضلت أدور عليك نصحوني بالشات
   لمحتك بس ياخسارة طلعت فيروسات
   من بعدك عقلي خلاص اتعمله فورمات
   وعلشان اشوفك تاني لازم ابقي فات
   لا نافع في ويندوس ولا حتي ريد هات
   من كتر الم فراقك باسقط ملفات
   عملت سكان لقلبي مالاقيتش بارتيشنات
   حتي التقسيمة ضاعت ياخسارة على فات
   masrawy al toool

2. Nasr Abdelhamid قال:
   مارس 11th, 2009 at 11 مارس 2009 8:40 م

   كلام فارغ _على الميزان _ وعلى كل لسان
   بمناسبة إضراب سواقين القطارات

   قـطـر الـمـحـبـة لما وصـل مـحـطـة الـعـشـاق
   مـلـقـتـش حـد أحـضنــه حـضنـت فـي الـسـواق
   ——————————————-

   الإضراب اللى عليه الدور اضراب العربجيه

   ليلةرأس السنة لما انطفى النور مـلـقـتـش
   مـلـقـتـش حـد أحـضنــه حـضنـت عربجى الحنطور

3. راجل مصرى جليل _عاشق نهر النيل قال:
   مارس 12th, 2009 at 12 مارس 2009 7:50 م

   ادى الكلام ولا بلاش كلام يدفع تمنه كاش ويتكتب على اغلى يفط قماش ولما يتسمع ما يتنساش للخال الخيال الشاعر عبد الرحمن الأبنودي
   قصيدة العالم العربي
   من ديوانه “الموت على الإسفلت”
   ينام العالم العربي
   ليلاتي … زي ما بينام
   بعواجيزه … بفتيانه
   بأطفاله … بشبانه
   قرا الجورنال
   وملا سيارته بالبنزين
   وشاف النشرة بعد الظهر
   وقال في الانتفاضة كلام
   وحياها
   وبعدين … نام
   ***
   نزل عمل الشوبنج
   وفات على شركة الفيديو
   وغير شنطة الأفلام
   لبس وقلع لبس وقلع
   وليف نفسه في الحمام
   وحط الفوم
   وقام للنوم
   يكمل متعته أحلام
   ونام العالم العربي
   ليلاتي زي ما بينام
   وطول الليل
   صحيتوا إنتوا
   ولا بتوا ولا نمتوا
   تلموا الجمر من تحت التراب والثلج
   تضموا الجمر … وتحّتوا
   بدت بحجارة
   وانتهت الحجارة بنار
   بدت أفراد
   بقالها لجان يمين ويسار
   بدت لكن… أهي فلسطين
   بحور الناس موجات موجات
   بتزحف عالعدو بقوة
   كانوا عشرات
   بقوا ميات
   بقوا ألفات
   هتاف واحد بدل هتافات
   بدن واحد بل بدنات
   علم واحد … عليه إشارات
   علم مظلوم
   وجاله يوم
   يرفرف توبه في السموات
   وله ضحكات
   وله همسات
   وله صيحات
   بيتقدم خطى الزاحفين
   وبينادي: أنا فلسطين
   أنا فلسطين
   أنا فلسطين
   ظلمتوني وأديني … النضال ديني
   وصوتي ما زال
   ولوني ما زال
   ورقصي ما زال
   فلسطيني
   فلسطيني
   فلسطيني
   ميعادنا في التاريخ قدام
   ونام العالم العربي
   ليلاتي زي ما بينام
   ***
   ودي الليلة
   سهرنا نغني بطولاتكم
   ونشرب كاس في صحتكم
   وكاس ورا كاس
   في صحة أحلى وأجدع ناس
   قزازة تؤدي لقزازة
   وحيينا البنات … والصبر
   وحيينا الشباب … والقبر
   فلسطين خضرا جوه الخمر
   أغرودة
   زغرودة
   وموجودة
   وعلى الخارطة ما هياش سودا
   ما هياش محتلة ولا حاجة
   بتتكلم فلسطيني
   وما فيهاش أي صهيوني
   فيها انتوا بمبانيكم
   بأغانيكم
   بإصراركم وأفكاركم
   وبكباركم وبصغاركم
   شربنا في صحة الثورة
   في صحة كل من بيجسد الفكرة
   وقمنا نمنا
   منتظرين نقوم بكرة
   ***
   في دي الليلة أنا نايم
   وصاحي عدوي
   يدفن في الشباب الحي
   ببلدوزرات
   بطيارات
   نزل واحد على سريري وأنا نايم
   جيت قايم
   وأنا مفزوع
   أحاول أبعد الجثة
   أشيل الدم من الفرشة
   ألّم ذراع كان منزوع
   وناشف
   إنما … مرفوع
   بيهتف لسه رغم الموت
   يصحي القصة في سريري
   يشيل الحلم من راسي
   لقيت الريق مش مبلوع
   وماليش صوت
   أو بانطق بصوت غيري
   وقمت …
   جريت للشارع
   رميت نفسي في وسط عباد
   وناقشنا حكاية دفنكم احياء
   وقلنا: يسقط الأعداء
   وهددنا الصهاينة هناك
   بميت قبضة في وش الجو
   وحييناك … وهاجمنا عدو السو
   لكن لما شعرت بجوع
   أنا حودت عالحاتي
   طلبت كباب
   معاه … بيرة
   أنا أصلي بأحب اللحم … والبيرة
   لقيت قلب الطبق
   مكتوب عليه (بيت لحم)
   وعلى البيرة
   مكتوب (البيرة)
   سكرت … وطفت
   بين الصحيان والوهم
   لقيتني في يافا
   وفي حيفا
   وفي نابلس وفي الناصرة
   وفي بيت لحم وفي غزة
   وقشعر جسمي
   ساعة الحزن ليه هزة
   خفت … وقمت
   هربت أوام
   لقيت نفسي في قلب البيت
   لقيت الفرش من غير دم
   عرفت أنام
   أنام
   والعالم العربي
   سبقني ونام
   ***
   يا خيي إنت وحداني
   أنا صاحبك في جورناني
   ساعة ما يذبحوك أصرخ
   وأتلوى في أحزاني
   لكن عمري ما مديت يد
   أحوش باليد مدة يد
   أنا موهبتي في لساني
   ومش موهوب في شيء تاني
   ولا مقاتل
   ولا محارب
   ولا مودي
   ولا جايب
   حبيبك … إنما شفوي وقلباوي
   لكن لا طبيب ولا مداوي
   ولا بأعرف أخوض الموت … ولا ناوي
   أنا في كل ده خايب
   ومش ظهرك
   ومش سندك
   ومش بلدك
   ومش بلدك
   وبأستغرب على جلَدك
   فلو حتحس لخيك يوم
   حتنادي
   تلاقيني في عز النوم
   أنا والعالم العربي
   ليلاتي

4. Nasr Abdelhamid قال:
   يونيو 2nd, 2009 at 2 يونيو 2009 1:51 م

   اول مرة اسمع عن حكم بالسجن لمدة عام وغرامة مالية عبارة عن 300 الف جنية مصرى - على مواطن مصرى اصيل _ مواليد برج النيل - من بلبيس بالشرقية ، قام باخترع جهاز انذار لحماية السيارات من السرقة .
   واليكم التفاصيل التى لايمكن ان يصدقها العقل البشرى
   صدر الحكم بالسجن بناء على الدعوى المقامة من الجهاز القومى للاتصالات ضد مواطن مصرى اخترع جهازانذار لحماية السيارات من السرقة ويقوم بالاتصال بصاحب السيارة عند محاولة فتحها وذلك عن طريق موبيل متصل بالجهاز الموصل بالسيارة ، بالاضافة الى تسجيل كل مايحدث بالقرب من السيارة اثناء محاولة فتحها اوسرقتها .
   بصراحة مش عارف اقول حاجة ولا تعليق على هذا الكلام كلام فارغ _على الميزان _ على كل لسان ينقل لكم هذا الموضوع الذى تم عرضة يوم الاثنين الموافق أول يونيه 2009 على شاشة قناة دريم فى برنامج العاشرة مساء الذى تقدمه المذيعة المتألقة السيدة / منى الشاذلى وكذلك فريق العمل والاعداد المتميزيين

5. مواطن مصرى اصيل _ مواليد برج النيل قال:
   أغسطس 18th, 2009 at 18 أغسطس 2009 1:54 م

   اه بلد عايزه الولد يابلدنا يا عجيبة فيكى حاجة محيرانى نزرع القمح فى سنين ويطلع القرع فى ثوانى

6. Mahmoud Maher قال:
   ديسمبر 22nd, 2010 at 22 ديسمبر 2010 7:04 م

   maher يقول…
   الى الزميل الفاضل / محمود بك ماهر طيب الله ثراك وعظم مثواك فى الدنيا والاخرةوعيد ميلاد سعيد وعقبال مليون لاء تلاتة اربع مليون لاء نصف مليون لاء ربع مليون ولا اقولك يار بتعيش عمرك المكتوب فى صحة وسعادة وتفرح باولادك وتستقبل احفادك وتتهنى مع عوض احفادك ودايما فى افضل اعيادك وتعلى امجادك وتترحم على اهلك واللى جابك يابن بورسعيد يامصرى ياأصيل يابوالبواسل -انا عارف انك انت اللى خلصت موضوع العدوان الثلاثى على مصر

   22/12/10
   gupco يقول…
   kinma@yahoo.com
   انا الكنج ماهر بتاع السكبوزه فى الاليز -والاتشنيي هاى هاى اند كومستبل جاى ممكن اتجوز عمتك وعقبال عنكم كلكم ياشعب شركة جابكو الكريم وعاى فكرة التركة لسه عندى بلغوا استاذ/ احمد عبد الفتاح يجى ياخدها ويسلمها وكفايه بقى تعذيب وشقى - والعنوان مكتوب فوق على الياهوه ه ه ه ه ه ه ه هدوت كوم لاء نص كوم

اكتب تعليــقك

يجب ان تسجل الدخول لكي تتمكن من التعليق

http://www.mawaly.com/file/play/29363.html" width="200" height="45" type="audio/x-pn-realaudio-plugin" autostart="true" controls="ControlPanel" console="Clip1">"